Türkiyə bəstəkarı azərbaycanlı həmkarlarına dəstək verdi

Bəstəkarlar İttifaqının Vlll Qurultayında iştirak etmək üçün Bakıya gələn Türkiyənin tanınmış bəstəkarı Əhməd Yürür Azərbaycan bəstəkarlarına dəstək ıxır. Ə.Yürür “OLAYLAR”a Türkiyədə daim belə hallarla mübarizə aparıldığını deyib: “Bu, əslində hüquqi məsələdir və Türkiyədə bunun qarşısının alınması üçün tədbirlər görülür. Belə halların baş verməsinə gəldikcə isə, deyə bilərəm ki, bu əsl həyasızlıqdır. Azərbaycan bəstəkarları belə hallarla arşılaşdıqları vaxt bizə müraciət etsinlər və onlara yardım edəcəyik”. Azərbaycan musiqisinin inkişaf baxımından daha irəli olduğunu deyən Ə.Yürür iki ölkə arasında mədəni münasibətlərin qənaətbəxş olmadığını da bildirib. Bəstəkar Azərbaycanla Türkiyə musiqisi arasında fərqli cəhətlərin çox olduğunu da gizlətməyib: “Fərqlilik çoxdur və bu səbəbdən də biz Azərbaycan musiqisindən yararlana bilmirik. Bəstəkarlar bir araya gəlib bir çox tədbirlər keçirə bilərdi. Amma hələ də bu edilməyib. Birgə festivallar təşkil edib, tələbə mübadiləsi etsək, bu hər iki ölkə üçün faydalı olar”.

Yazıya səs verin

• (1 səs, təxmini: 5 ilə 5)
  
   Loading ...