Gənc rejissor məşhur aktyorları bir araya gətirdi

“İS prodakşn” studuyası maraqlı bir filmin çəkilişlərinə hazırlaşır.
“Qardaşlar” adlanan tammetrajlı bədii filmin əsas süjet xəttini son illərdə respublikada baş verən ən qalmaqallı kriminal hadisələr təşkil edir. Filim həm də maarifləndirmə xarakteri daşıyacaq.
Detektiv-melodrama janrında olacaq filmin çəkilişləri respublikanın bir çox şəhərlərində, həmçinin Rusiya Federasiyasında aparılacaq. Filmin rejissoru və ssenari müəllifi “İS prodakşn” studiyasının rəhbəri Samir İbadov, operatoru isə Şamil Muradovdur.. Aktyor heyəti isə Rasim Balayev, Fəxrəddin Manafov, Ramiz Novruz, Nurəddin Mehdixanlı, Yaşar Nuri və Mehriban Xanlarova kimi tanınmış aktyorlardan ibarətdir.
Film Daxili İşlər Nazirliyinin dəstəyi ilə çəkilir. Belə ki, filmin məsləhətçiləri qismində DİN-in qüksək rütbəli zabitləri general-leytenant Vilayət Eyvazov, polkovnik Sadiq Gözəlov və polkovnik-leytenant Əhmədov Çəmən, həmçinin şair-kinossenarist Ramiz Rövşən və kinorejissor Cəmil Quliyev çıxış edir.
Filmin rejissoru bizimlə söhbətində filmin aktyor heyətində tamaşaçılar üçün sürpriz olacağını söylədi: “Türkiyənin ölkəmizdə də məşhur olan, sevilən aktyorlarından biri də filmdə çəkiləcək. Hələ ki, onun adını sirr saxlayırıq.”
Yaxın günlərdə filmin çəkilişlərinə başlanacaq.

Kultaz

Yazıya səs verin

• (2 səs, təxmini: 3.5 ilə 5)
  
   Loading ...