Amerikanın “Dina Preston” musiqi qrupu gələn həftə Azərbaycana gələcək. Bu barədə APA-ya ABŞ-ın Azərbaycandakı səfirliyindən məlumat verilib. Məlumata görə, qrup iyulun 16-da saat 19:00-da Şəkinin Mərkəzi Parkında, iyulun 17-də saat 19:00-da Qəbələdə Mərkəzi Parkda, iyulun 18-i saat 19:30 Sumqayıtda Kimyaçılar Sarayının qarşısında çıxış edəcək. Qrup həmçinin bir neçə istirahət mərkəzində konsert verəcək. Şəki, Qəbələ və Sumqayıtda keçirilən konsertlərə giriş azad olacaq. “Dina Preston” qrupunun Azərbaycana səfəri ABŞ Dövlət Departamenti və ABŞ səfirliyinin sponsorluğu ilə həyata keçirilir. Azərbaycan Mədəniyyət və Turizm Nazirliyi, Bakı Caz Mərkəzi, Şəki və Qəbələ rayonlarının icra hakimiyyətləri, “Akva Park”, “Atlant” və “Xəzər Golden Beach” istirahət mərkəzləri qrupun Azərbaycan proqramına dəstək veriblər.

Yazıya səs verin

• (Hələ səs verilməyib)
  
   Loading ...