“Yeni Dalğa” Prodüsser Mərkəzində istehsal olunan “Qrinviç meridianından kənarda”, “Dərviş production”un istehsalı olan “Ev” və “Exo production”un “Nəfəs” filmləri Qırğızıstanda keçiriləcək “İssıkkul” beynəlxalq kinofestivalında ölkəmizi təmsil edəcək. Mədəniyyət və Turizm Nazirliyinin kino şöbəsindən APA-ya bildirilib ki, festival 3-9 sentyabr tarixlərində gerçəkləşəcək. Hər üç film dövlət sifarişi ilə hazırlanıb. “Qrinviç meridianından kənarda” sentyabrda Qazaxıstanda keçiriləcək “Şankin ulduzları” beynəlxalq kino festivalına da qatılmaq imkanı əldə edib. Qeyd edək ki, bu günlərdə hazır olan “Qrinviç meridianından kənarda” filminin rejissoru Yusif Quliyev, ssenari müəllifi isə Kamran Qasımovdur.

Yazıya səs verin

• (Hələ səs verilməyib)
  
   Loading ...