Azərbaycan Yazıçılar Birliyinin təkliflərini nəzərə alaraq, Mədəniyyət və Turizm Nazirliyi ildə bir dəfə “Poeziya günü” adlı toplu nəşr etdirəcək. Mədəniyyət və Turizm Nazirliyinin mətbuat katibi Zöhrə Əliyevanın məlumatına görə, çağdaş Azərbaycan poeziyasının inkişafı və yaradıcı adamlarla əlaqələr qurmaq məqsədilə nəşrə başlayan bu toplu hər il 3 Mart - Beynəlxalq Poeziya Günü və Novruz bayramı ərəfəsində işıq üzü görəcək. Toplunun baş redaktoru xalq şairi Fikrət Qoca, məsul katibi Maarif Soltandır. Yüksək poliqrafiya və nəfis tərtibatı ilə seçiləcək toplu 1000 tirajla yayılacaq. “Poeziya günü”nün ilk sayı 2008-ci ildə çap olunacaq.

Yazıya səs verin

• (Hələ səs verilməyib)
  
   Loading ...