Animator Elçin Hami Axundovun animatorlar üçün hazırlıq kurslarının təşkilini nəzərdə tutan layihəsinə Mədəniyyət və Turizm Nazirliyinin kino işləri şöbəsində baxılır. Animator mətbuata verdiyi açıqlamasında bildirib ki, hazırda layihənin taleyinin necə olacağı məlum deyil. E.H.Axundovun sözlərinə görə, layihənin dövlət vəsaiti hesabına maliyyələşəcəyi gözlənilir. Qeyd edək ki, layihəyə əsasən, animator olmaq istəyənlərə ilyarım dərs keçiləcək. Layihənin ikinci hissəsində isə ən qabiliyyətli olanlara tammetrajlı animasiya filmləri çəkməyə şərait yaradılacaq.
Söhbət əsnasında onu da öyrəndik ki, “Azanfilm” studiyasında hazırda iki animasiya filmi çəkilir. Onlardan biri “Dost dosta tən gərək”, digəri isə “Kirpi” adlanır.

Yazıya səs verin

• (Hələ səs verilməyib)
  
   Loading ...