Gəncə şəhərinin giriş hissəsində, Bakı-Qazax yolunun üzərində tikilən simvolik “Gəncə qapıları” abidə-kompleksində yanğın baş verib. APA-nın Qərb bürosunun məlumatına görə, dünən axşam saatlarında baş verən yanğının söndürülməsinə 6 yanğınsöndürən maşın cəlb olunub. İlkin ehtimallara görə, yanğının baş verməsinə səbəb tikintidə aparılan qaynaq işləri olub. Qaynaq zamanı ətrafa yayılan qığılcımlar beton tökülməsi üçün istifadə olunan taxta arakəsmələrin alışması ilə nəticələnib. Çətinliklərə baxmayaraq, yanğını söndürmək mümkün olub, abidə-kompleksinə ciddi ziyan dəyməyib.

Yazıya səs verin

• (Hələ səs verilməyib)
  
   Loading ...