Mən Sain Fərmanlı Fərhad oğlu 1985-ci ildə İyun ayının 7-də Bakı şəhərində anadan olmuşam.
1992-ci ildə doğulduğum Bakı şəhərində yerləşən 192-saylı orta məktəbə daxil olmuşam.
2003-cü ildə həmin məktəbdə orta təhsilimi bitirib Azərbaycan Dövlət Bədən Tərbiyəsi və İdman Akademiyasına qəbul olmuşam. 2007-ci ildə təhsilimi başa çatdırdım.

1996-cı ilin Noyabır ayının əvvllərində “Vado-Ryu” Karate-Do döyüş növünə maraq göstərməklə idmanda olan ilk addımlarımı atmağa başladım. Bu döyüş növündə məşğul olduğum 6 il ərzində, Braziliyada qullar tərəfindən yaradılmış Kapoeyra döyüş növündə də özümü sınamağa başlamışdım.
Həmən illər ərzində özümü Jiu-Jitsu döyüş sənətində az da olsa yoxladım.
2002-ci ildə Kunq-Fu döyüş sənətinin Jit Kun Do növü ilə də məşğul olmağa başladım.Həmən növ ilə 2 ilə yaxın məşğul oldum.
2003-cü ildə Azərbaycanda, Kapuera döyüş növünün inkişafı naminə çalışmağa başladım. Azərbaycan “Kontakt” Kapuera İdman Klubu yaradıldı və orada ikinci təsisçi və baş məşqçi kimi çalışmağa başladım.Bu illər ərzində Kapuera döyüş növünün təbliğatı uğrunda çalışmaqla, bir çox telekanallarda, klip və reklam çarxlarında, verilişlərdə və mətbuatda çıxış etməklə Kapuera döyüş növünün laiqli təmsilçisi kimi insanlar arasında rəğbət qazandım.2005-ci ilin May ayının 15-də Beynəlxalq Döyüş Növləri Assosiasiyasının prezidenti Grandmaster Professor Dr. B.Höhl tərəfindən 3-cü Dərəcə və Qara kəmərlə təltif olundum.
2006-cı ilin əvvəllərində Azərbaycanda ilk dəfə olaraq “Armada” Kaskadyor Döyüşçülər Qrupunu yaratdım.Məqsədimiz Ceki Çandan geri qalmamaq idi.
2006-cı ilin sonlarında Azərbaycan Kinematoqrafçılar ittifaqının “Ekran” Yaradıcılıq-İstehsalat Birliyi nəzdində “Armada” Kaskadyor Döyüşçülər Qrupunun rəhbəri kimi fəaliyyətə başladım.
2007-cı ilin əvvəlində, Oyamanın oğlu sayəlan Sigeru Oyamanın rəhbərliyi altında təşkil olunmuş beynəlxalq seminara dəvət aldım. Sigeru Oyama öz tərifini məndən əsirgəmədi.
2007-ci ilin əvvəllərində, bir neçə nəfərlə yaratdığımız “İZ” Film MMC adlı birlik də, ikinci təsisçi və kaskadyor döyüşçülər qrupunun rəhbəri kimi çalışmağa başladım.
Hal hazırda Azərbaycan “Contragolpe” Kapuera Qrupunun prezidentiyəm. Bu yaxınlarda Beynəlxal Axe Capoeira və Ankara Kapuera Federasiyalarından aldığım təklifə görə, həmən federasiyaların Azərbaycandakı nümayəndəsi kimi fəaliyyət göstərməyə çalışıram.

Hal hazırda, döyüş üslubunda çəkiləcək bir neçə dəqiqəlik film çarxı üçün hazırlaşırıq.

Ümumiyyətlə, həm aktyor həm də aktyor-döyüşçü kimi fəaliyyət göstəririk. Bu yolda sizinlə də əməkdaşlıq etməkdən məmnun olardıq.

Öncədən minnətdaram!

Hörmetle: Sain Fərmanlı