Ötən gün Azərbaycan Dövlət Pantomim Teatrı mövsümü “Maska” tamaşası ilə açdı. Tamaşaçılarını əyləndirməyə məkanı olmayan teatr qonaqlarını Bakı Uşaq Teatrında qarşıladı. Kifayət qədər uğurlu alınan “Maska” tamaşası iki ildən artıqdır ki, teatrın repertuarındadır. Məhəbbət üzərində qurulan tamaşada gənc oğlan bilmədən təmiz və ülvi məhəbbətlə əxlaqsız qıza aşiq olur. Oğlanın dostları onu qızdan ayırmağa nə qədər cəhd göstərsələr də, heç bir nəticə əldə edə bilmirlər. Sonda isə oğlan hər şeydən xəbərdar olur və hadisələr də elə bundan sonra cərəyan edir. Müəllifi Zaur Zeynalov, rejissoru isə Bəxtiyar Xanızadə olan tamaşada baş rolları Nargilə Qəribova və Elnur İsmayılov, rolları isə Ceyhun Dadaşov, Pərviz Məmmədrzayev ifa edirlər.

Yazıya səs verin

• (Hələ səs verilməyib)
  
   Loading ...