Oktyabrın 8-9-da Füzulinin Horadiz qəsəbəsində Azərbaycan musiqi festivalı keçiriləcək. Bu barədə APA-ya Mədəniyyət və Turizm Nazirliyinin musiqi sektorunun müdiri Fərəh Əliyeva məlumat verib. O bildirib ki, iki günlük festivalda Azərbaycan Dövlət Xalq Çalğı Alətləri Orkestri və Akademik Opera və Balet Teatrının solistlərinin iştirakı ilə konsertlər təşkil olunacaq. Bundan əlavə Horadizdə Azərbaycan Dövlət Musiqili Komediya Teatrının aktyorlarının ifasında tamaşaların nümayişi planlaşdırılır.
« “Əli və Nino” əsəri əsasında hazırlanmış tamaşa nümayiş olunacaq | Əsas səhifə | “Yeni Dalğa” Prodüser Mərkəzi gələn il 4 bədii, 1 sənədli film istehsal edəcək »




Bölmə: 








