“Bütün aləm bilir ki, Əlibaba kimdir, Canəli kimdir. Mən heç kimə cavab vermək istəmirəm. Mən qəzetə elə müsahibə verməmişəm. O yayılan müsahibədən xəbərim olmayıb, Canəli isə o yazılana cavab verib. İstəyirlər gündə yazsınlar, mənim üçün heç bir fərqi yoxdur. Mənim 80-ə yaxın yaşım var. Bundan sonra nə moda minəcəyəm, nə moddan düşəcəyəm”. Bunu APA-ya açıqlamasında xalq artisti Əlibaba Məmmədov deyib.
Canəli Əkbərov APA-ya açıqlamasında qəzetçiləri şou yaratmaqda təqsirləndirib: “Bizim hansı yaşımıza yaraşır bu cür münasibət? Mən Əlibabaya hörmət edən bir insanam, o niyə mənə qarşı bu cür münasibət göstərməlidir? Qəzetdə məni biabır edib, mən susmalıyam? Sonra da deyəcəkdilər ki, qorxub cavab vermədi. Mən ömrümdə tənqid olunmamışam. Mən 50 ilə yaxındır ki, oxuyuram və heç vaxt tənqid olunmamışam. Hər zaman təriflənmişəm və məni tərifləyənlərdən biri də Əlibaba Məmmədov olub. Düz oxumurdum, məni niyə vaxtında tərifləyirdin? Bu müsahibəyə kimi Əlibaba ilə münasibətimiz çox gözəl idi. Azərbaycan incəsənətində bizim qədər bir-birinə qarşı diqqətli, hörmətcil yanaşan ikinci cütlük olmayıb”.

Yazıya səs verin

• (Hələ səs verilməyib)
  
   Loading ...