Bakıda Çarli Çaplinin vəfatının 30-cu ildönümü qeyd olunacaq

Yazar: Admin | Bölmə: Xəbərlər | Tarix: 17 Ekim, 2007

Böyük Britaniya Kino Muzeyinin təşəbbüsü ilə Bakıda Çarli Çaplinin vəfatının 30-cu ildönümü qeyd olunacaq. Bu barədə APA-ya məlumat verən Dövlət Film Fondunun rəhbəri, əməkdar incəsənət xadimi Cəmil Quliyev deyib ki, tədbir noyabrın ilk ongünlüyündə Muzey Mərkəzində keçiriləcək. Tədbirdə Çarli Çaplinin baş rolu canlandırdığı və ekranlarda çox az göstərilmiş “Müsyö Verdu” bədii filmi nümayiş olunacaq. Əməkdar incəsənət xadimi Ayaz Salayevin aparıcılıq edəcəyi mərasimdə Çaplin haqqında hazırlanmış video çarx da göstəriləcək. Muzeyin foyesində isə tanınmış gülüş ustasının həyat və yaradıcılığını əks etdirən foto sərgi təşkil olunacaq.

Yazını dostuna göndər | Yazını Çap et | 617 oxunma | Şərh yoxdur »