Elnur ASTANBƏYLİ, Şeirlər
Yazar: Admin | Bölmə: Ədəbiyyat | Tarix: 31 Aralık, 2007
qoşma-1
ötər qərib-qərib üçtelli durnam
car olar gözümün selləri boy-boy
şiddəti bağrımın başında oynar
əsdikcə qürbətin yelləri boy-boy
o qədər ağladım peymanam doldu
saraldı gül gibi irəngim soldu
tərifli gözəllər gəlhagəl oldu
bəy tək bəzədilər yolları boy-boy
yoxsulun ağzını vara çəkdilər
ha yazdım ağ üstən qara çəkdilər
beçərə aşiqi dara çəkdilər
kəsildi dost deyən dilləri boy-boy
qoşma – 2
məğribdən məşriqə karvanım işlər
heydən düşən canım yol deyü ağlar
gəl gör də qəfəsdən baxan aslanı
sağ deyü inillər sol deyü ağlar
bir sonam perikmiş gölə də gəlməz
dolanar zalım baxt belə də gəlməz
gedər ərdəmliyim ələ də gəlməz
miskin aşiqi gör dil deyü ağlar
dərdi bizə məhkum dərman onundu
əkən o biçən o xırman onundu
şahlar şahı odu fərman onundu
ağam bəndəsini qul deyü ağlar
2004
İş elanları
– 1 -
iş axtarıram
hər cür oğraşlıq gəlir əlimdən
sabunlu-sabunsuz girməyi bacarıram
işverənliyimə söz ola bilməz
əvvəllər suvaqçı olduğumdandır ki
indi daha yaxşı malalayıram
həqiqətləri
nə olsun qabaqlar bənna olmuşam
ev tikmişəm yəni
ehtiyacın üzü qara olsun
indi ev yıxmağa
məcbur və hazıram
cibə nəşə atmaqda
tayım-bərabərim yoxdur
yəni nə tayım var nə bərabərim
yalan demək əlimdə
su içimi kimi bir şey
üzə də dura bilərəm
…iş axtarıram
– 2 -
seçki komissiyasında iş axtarıram
saxtakarlığın min yolunu bilirəm
insanların səsini
oğurlamaq xoşuma gəlir
yəni xoşuma gəlir
insanların səsini oğurlamaq
mənim üçün
qutuya saxta bülleten atmaq
o qədər asan ki
sanki
küçəyə siqaret atırammış kimi
ya da siqareti küçəyə atırammış kimi
saxta protokollara qol çəkmək?
no problem
zatən həyatımda hər şey saxtadır:
doğum tariximdən diplomumacan
hətta axtarsanız
nikah kağızım belə saxta
…iş axtarıram
2007
Sorokin və…
…həyat haqqında düşünərkən
ağlıma gələn ilk sual bu:
“nədən
təsadüfi yığdığımız nömrələr
heç vaxt məşğul göstərmir?”
2005
Gecə ekspresi
mobil telefonu söndürmək
sonra televiziyonu söndürmək
sonra işığı
sonra ehtirasını
sonra bir siqara yandırmaq
sonra işığı yandırmaq
sonra televiziyonu
sonra mobil telefonu
və
çaynikin altını yandırmaq sonda da..
2006
Savaşa parodiya
unutmamalı:
ürək -
sinəmizin altına
basdırılmış mina misalı
gec-tez partlayacaq
və anlamalı:
ürək -
bütün partlayışlara parodiyadır
necə ki
bu şeir
bütün savaşlara parodiya…
2005
Natiqi əsəbləşdirmək
dost, mən hey içmişəm
içirəm, içəcəyəm də!
… yaxşı, yaxşı,
özünə əl qatma,
söhbət karvaloldan gedir…
2007
İrtica söhbəti
iran irticasının Güney türklərini
döyüb söyüb asıb-kəsməsinə boş ver də
məni bu iranlılara əsəbləşdirən
bilirsənmi nədir, dostum,
belə gözəl duzlu xiyar bağlayasan
arağı da qadağan eləyəsən?!
2007
OL!
söyləməyə
dilim yox,
həqiqətlər
çox acı.
nə qardaş var,
nə bacı,
qar, mənim
qardaşım ol
ağca daş,
qaraca daş.
yekə daş,
balaca daş.
həm cavan,
həm qoca daş,
daş, mənim
başdaşım ol
tanrının
yeri uca,
əl uzatmaqla
yetməz.
kimsə
mənimlə getməz,
yol, mənim
yoldaşım ol…
2005
Yazını dostuna göndər
| 
Yazını Çap et
| 1.234 oxunma | 4 Şərh var
(3 səs, hardasa: 3,67 ilə 5 arası)
Loading ...
Loading ...
Yüklənir...
Axirdan 1-ci, 2-ci ve 5-ci sherleri xosladim. Belke 1-cini de.
Hem de hiss olunur ki, muellif klassik sheiri (eruzu filani chixiram) pis bilmir, ve behrelenir. Oxshar ceheti men Murad Kohneqalanin, Sherif Agayarin, Bextiyar Hidayetin sheirlerinde de duyuram. Bu da bir xoshbaxtchiliqdir da tanri qiyib Qazax-Tovuz-Lachin camaatina.
Indi de “Sorokin ve” sheri haqda:
“nədən təsadüfi yığdığımız nömrələr
heç vaxt məşğul göstərmir?”
Diqqetli oxucuda o deqiqe sual yaranir:”Niye gostermir ki? Dogrudanmi gostermir?”
Oxucu bir az hesab bilirse o deqiqe hesablayir: Telefonda orta danishiq muddeti 3 deq. 15 saniyedir – statistika! Axsham saat 23.45den – tezden saat 8 arasi intervali chixaq. Yerde qalir 15 saat 15 deq. Bu muddete 3deq.15 san. texmini 300 defe sighir. O zaman (orta hesabla)neche defe tesadufu zeng etmek lazimdir ki, zenglerden biri meshghul gostersin? Sual ele de sade deyil, “riyazi gozleme” adli bir anlayish var ehtimal nezeriyyesinde, ona getirib chixarir. Bunun detalina getmeden (ve meseleni yungulleshdirib sadeleshidrerek) deyim ki, chox kobud hesablama emin eder ki, meselen 100 defe zeng etsen bunun hech olmasa birinde meshghul gostermesi ehtimali 1/3-den kichikdir, amma hardasa 1/4-e (2/9-a)yaxindir. Demek ki, 100 zeng uchun bu ehtimal sifir deyil. Indi men biilmirem orta bir adam orta hesabla neche defe tesadufu zeng edib heyati boyu. Amma, bu say necheyse cavab da ondan asilidir, her halda “hech vaxt meshghul gostermir” en azi mubahiselidir. Amma, ehemiyyetlisi nedir? Odur ki, bu hesablama, yaxud sualin ozu hetta o deqiqe poeziyani oldurur, eger burda hansisa poeziya vardiysa bele!
Bunu qabartmaghimin bir sebebi de odur ki, artiq nechenci defe mushahide eleyirem, muellif sheirde chox mubahiseli, ve chox zaman da yanlish bir hokm yaxud tezis ireli surur, ve sonra bunun ustunde sheir qurur. Bir az dushunen oxucu da buna heyretlenmez. Men bir neche misal cheke bilerem bizim chaghdash dovr sheirimizden. Bashqa bir vacib cehet de budur ki, muellif ferqinde deyil ki, meselen onun guya poetik mushahidesi ressamda, musiqichide, fizikde ve s. istehza doghura biler. Bizim sovet dovr nesrimizde chox var bele fraqmentler.
Muellife ugurlar ve cansaglighi arzulayiram!
Birden yadima dushdu, ve lap yerine dushur. Icazenizle size dostum Rasimden bir numune verim:
SAAT
Artiq bir ishe yaramir
pili bitmish bu saat
demek
zaman burada
dirnaq boyuklukdeki
bu guc menbeyinde imish
hardan bilesen belke de
zaman ele guc demekdir
Bilmirem, Rasim ozu ferqindedir ya yox, (hemishe yadimdan chixir sorushum), amma sizi inandiriram ki, bu fikre muasir nezeri fizik de heyretlener, buna formal yanashmaq mumkunsuz olsa da. spekulyasiyalar ede bilerem.
Axirdan 1-ci.
2-ci qoşma.
“İş elanları” şeirindəki xoşagəlməz misralar poeziyaya əsla yaraşmır. Gəlin ədəbiyyatda bu cür sözlərdən uzaq olaq.
bu nedi bele???indi eminemki sabirin,celilin,muwviqin sumukleri sizildayir,edebiyyati day eleyibler kuce soyuwleri.belede exlaqsizliq olar?bu cemiyyet,bu ictimai orqanlar hara baxir axi?bizim geleceyimiz necede tehluke altindadir.bir edebiyyatci,bir filoloq olaraq bu rezilliye goz yuma bilmerem.aidiyyati orqanlara miraciet edib bucur menfi hallari,edebiyyata leke getirecek insanlara qarwi ciddi iw gorsun.olmaz bele bawiniza donum,olmaz