Xaricdə Yaşayan Azərbaycanlılarla İş üzrə Dövlət Komitəsinin təsis etdiyi “Ölkəm” jurnalının ilk sayı çapdan çıxıb. Komitədən APA-ya verilən məlumata görə, jurnalın ilk nömrəsində Azərbaycan prezidenti İlham Əliyevin 31 dekabr - Dünya Azərbaycanlılarının Həmrəylik Günü münasibətilə müraciəti, ötən il noyabrın 17-19-da Bakıda keçirilmiş Türk Dövlət və Cəmiyyətlərin XI Dostluq, Qardaşlıq və Əməkdaşlıq Qurultayı haqqında, eləcə də ABŞ-dakı diasporumuzun fəaliyyəti və qayğıları barəsində yazılar dərc edilib. Bundan başqa, nəşrdə müxtəlif illərdə ayrı-ayrı mətbuat orqanlarında rus və Azərbaycan dillərində çap olunan, ölkəmizin siyasi və mədəni inkişafına təsir göstərən və bu gün də böyük maraq doğuran, son illərə kimi “məxfi” qrifi altında arxivlərdə saxlanılan tarixi sənədlərlə “Şərhsiz” rubrikasında tanış olmaq mümkündür.

Yazıya səs verin

• (Hələ səs verilməyib)
  
   Loading ...