Fevralın 18-dən 21-dək Bakıda “İran filmləri festivalı” keçiriləcək. İranda islam inqilabının qələbə çalmasının 29-cu ildönümü münasibətilə keçirilən festival Azərbaycan Kinematoqrafçılar İttifaqı və İran İslam Respublikasının ölkəmizdəki səfirliyinin Mədəniyyət Mərkəzinin birgə təşkilatçılığı ilə baş tutacaq. Kinematoqrafçılar İttifaqından APA-ya bildirilib ki, 5 gün müddətində “Azərbaycan” kinoteatrında İranda son illər istehsal olunan filmlər nümayiş etdiriləcək. Açılış mərasimindən sonra İran kinorejissoru Məcid Məcidinin “Asiman uşaqları” filmi nümayiş olunacaq. Kinosevərlərə festival çərçivəsində “Şeyda”, “Soyuğun göz yaşları”, “Pərvanənin ad günü”, “Yağış” filmləri tamaşaçıların ixtiyarına veriləcək.

Yazıya səs verin

• (Hələ səs verilməyib)
  
   Loading ...