Beləliklə, mart ayının 14-də “Nəsimi” Milli Ədəbiyyat Müsabiqəsinə əsərlərin qəbulu sona çatdı. Bununla da müsabiqənin ilk mərhələsinin birinci turu arxada qaldı. Xatırladaq ki, fevral ayının 2-dən etibarən müsabiqəyə qoşulanların sayı 39 nəfər təşkil edir. Müraciət edənlərdən yalnız bir nəfər qaydalara riayət etmədiyi üçün müsabiqədən kənarda qalıb. Digər 38 müəllif isə ümumilikdə 120-yə yaxın əsərilə sözügedən ədəbi estafetdə iştirakını davam etdirəcək. Paytaxtdan və regionlardan, eləcə də Rusiya, İran və Gürcüstandan ilkin hesablamalara görə qənaətbəxş aktivliklə müsabiqəyə qoşulan müəlliflərin bir hissəsi aprel ayının 15-dək birinci mərhələnin ikinci turuna vəsiqə qazanacaq. Münsiflər heyəti tərəfindən əsərləri nisbətən zəif hesab olunan yazarlar isə müsabiqəylə birinci turda vidalaşacaq. May ayının 20-dək münsiflərin qərarı ilə ikinci tura adlamış əsərlər arasından ən yaxşıları seçiləcək. May ayının 28-də hər iki nominasiyada qalib olan, həmçinin ikinci və üçüncü yerləri qazanmış müəlliflərin təntənəli mükafatlandırma mərasimi keçiriləcək. Bununla da ölkəmizdə ilk müstəqil və davamlı ədəbiyyat yarışmasına- I “Nəsimi” Milli Ədəbiyyat Müsabiqəsinə yekun vurulacaq.
Bütün müəlliflərə təşəkkür edir və uğurlar diləyirik!

Təşkilat Komitəsi

Yazıya səs verin

• (2 səs, təxmini: 5 ilə 5)
  
   Loading ...