Rəbiqə Nazimqızı. Şeirlər.
Yazar: Admin | Bölmə: Ədəbiyyat | Tarix: 30 Mart, 2008
Novruz
Şəkərbura, paxlava, qoğal,
Papaqatma, yuxuyozma, fal
səməni, şam, qaralı plov,
və həyətdə ucalan alov
deyilmiş,
həm də bir gün sonra köhnələn
günmüş Novruz…
Kirayə
Üşüyürəm.
Ağır olmayan,
isti saxlayan paltar lazımdı…
səsinə bürünsəm, olarmı?
İlk dəfə
bir az çadır toyu,
samovar tüstüsü,
bir az göyun bənövşəyi üzü,
bir az yağış aldatdı məni.
Xoş gəldi küçə nəğməsi,
maşın səsi,
palçığın astaca çəkmələrimi silməsi,
bir də ürəyimdən asdığım
“həyat gözəldir” kəlməsi…
Şəkil
bir, iki, üç.
bir az güc.
bir mismar,
bir də çəkic.
çərçivə lazım deyil,
yerini gözəl bilir bu şəkil.
oturmaqdan yorulub,
sakitcə divarında dayanacaq
Ölçü
Arzularım
quru yuxa kimi
ovulub tökülər
sənə toxunsam…
bax bu qədər doğmasan…
Beyin idmanı
(Xp-1)
Dinc dayan,
əvvəl niyyətini de,
sonra öyrəndiyini.
Bu, dərs deyil, qorxma
amma əllərini qaldır.
Nə qədər az bilsən,
günahın o qədər azdır, demək.
Əllərini çiyinlərinədək qaldır və əyil.
Hiss edirsənmi, yükün necə yüngülləşir?
Yazını dostuna göndər
| 
Yazını Çap et
| 912 oxunma | 12 Şərh var
(2 səs, hardasa: 3,00 ilə 5 arası)
Loading ...
Loading ...
Yüklənir...
Rəbiş…mən çox fikir vermişəm ey…AYB-çılar hər yerdə çənələrinəmi, yanaqlarınamı, gicgahlarınamı barmaqlarını yapışdırıb şəkil çəkdirirlər…artıq əsərin üstündə şəkildən bilirəm ki. bu müəllif AYB-çıdı ya yox…-))
Sən də…?-))
Şeirlərin isə davamlı olsun…oxuyub dincəlirəm…Uğurlar…
ugurlar olsun amma şeriniz ugurlu alınmayıb
Rya ve digerleri, suallarinizi bloquma yazin, cavanblandiraram. -))
cox zeif coox
a/Arzularım
(
quru yuxa kimi
ovulub tökülər
sənə toxunsam…
bax bu qədər doğmasan – bu misralar gözəldir, digərləri isə…
b/palçığın astaca çəkmələrimi silməsi, – bu ifadədə yanlışlıq var
ilk defe seri xosuma geldi.ugurlar
Üşüyürəm…səsinə bürünsəm olarmı… gözəldi…
Scorpion düz deyir…
“Kiraye” daha qeshengdi…
Ugurlar…
teshekkur edirem…
məni qurtar… nədən?
kömək elə… nəyə?
dözmürəm mən… niyə?
eh, suallar qoymur
dua eləməyə…
***
Möhkəm divar axtar
qırx qıfıl vur qapıya
dəmir üzlüklü nəfəsliyə
yaxın getmə
adamlıqdan çıxmadın hələ -
deməli, təhlükə var – gözlə…
Bunlar da hemin silsiledendir, sadece, sheirleri gonderenden sonra yazildi…
sonucudan başqa hamısı qəşəngdi
Rebish, kiraye eladi