Tənqidçi Əsəd Cahangiri də AYB-dən çıxarmaq istəyirlər
Yazar: Admin | Bölmə: Ədəbiyyat | Tarix: 14 Nisan, 2008
AYB-də tanınmış tənqidçiyə qarşı təzyiq var
KultAz: Bu gün Azərbaycan Yazıçılar Birliyinin (AYB) katibliyinin növbəti iclası keçirilib. İclasda “Körpü” tənqid jurnalının baş redaktoru, qurumun İdarə Heyətinin üzvü tanınmış ədəbiyyat tənqidçisi Əsəd Cahangirin AYB üzvlüyündən çıxarılması məsələsi müzakirə olunub.
Qurum daxilindən mənbələrimizin verdiyi məlumata görə, buna səbəb qurumun içində olan bəzi qruplaşmaların Əsəd Cahangirin “hansısasa etik qaydaları pozması” barədə katibliyə şikayətləri olub. Aldığımız digər məlumata görə isə şikayətlərin kökündə, tənqidçinin öz yazılarında AYB rəhbərliyində təmsil olunan bəzi şəxslərin yaradıcılığını ara-sıra tənqid etməsi dayanır. Daha konkret desək, müzakirəyə, “Ulduz” jurnalının baş redaktoru və qurumun Gənclər Şurasının katibi yazıçı Elçin Hüseynbəylinin dramaturji fəaliyyəti ilə bağlı tənqidçinin bu yaxınlarda mətbuatda və bizim portalda dərc olunan “Drama+tryuk” yazısı səbəb olub.
Birliyin mətbuat xidmətinin rəhbəri Ədalət Əsgəroğlu faktı təsdiqləsə də, qurumun Əsəd Cahangirə etimad göstərdiyini və onun üzvlükdən çıxarılmadığını bildirib.
Yazını dostuna göndər
| 
Yazını Çap et
| 913 oxunma | 4 Şərh var
(2 səs, hardasa: 1,00 ilə 5 arası)
Loading ...
Loading ...
Yüklənir...
Əsədi Elçin Hüseynbəylinin dramaturji sicilləmələrini tənqid etdiyinə görə deyil, bizcə, vaxtilə onu tərifləyib göylərə qaldıran cəfəng yazılarına görə nəinki AYB-dən bəlkə məmləkətdən çıxarmaq lazımdır?!
Normal yazmağı öyrənmək və səhvlərini etiraf etmək gözəldir. Əsədin buna göstəriciləri var.
1/ AYB və ya digər qurumlardan çıxmaq (ya çıxarılmaq)hələ dünyanın sonu deyil, burda bir faciə görmürəm
2/ digər tərəfdən, AYB üzvü Ə.Cahangirin birlik arkadaşını səmimi qərəzsiz tənqid etməsi inandırıcı deyil.
3/ öz personasına diqqəti cəlb etmək üçün yaradılmış səs-küyün arxasında cılız şəxsi iddialar durmaya?
Горе вам, ей дураки! Это просто игра
Əsədi zərrə qədər də tanımaya-tanımaya (nə bir insan, nə də qəlqm sahgibi kimi) onun haqqında ray deməyi absurd sayıram. Mənmcə, Əsəd çağdaş ədəbiyyatımızda sözün məna və mahiyyətini dərk edən 2-3 adamdan biridir. AYB-də onynla bağlı insident də bunu göstərir. Əsədlə münaqışəyə girən adamlar öz istedadsızlıq və savadsızlarını ört-basdır etmək istəyirlər. Amma keçməz. Necə deyərlər, kor, kor, gör, gör. Hər şey göz qabağındadır. Əleyhdarları Əsədin qabağında çox cılız görünürlər.