Azərbaycan Dövlət Akademik Opera və Balet Teatrının solisti, xalq Artisti Səfa Qəhrəmanov bu gün gecə saat 01:30 rədalərində xroniki leykos çatışmazlığından dünyasını dəyişib.
Mədəniyyət və Turizm Nazirliyinin məbuat katibi İntiqam Hümbətov bildirib ki, 59 yaşında dünyasını dəyişən S. Qəhrəmanov mayın 6-da anadan olduğu Ağcabədi rayonunun Minaxorlu rayonunda dəfn olunacaq. Qeyd edək ki, Səfa Qəhrəmanov 1949-cu il martın 30-da Ağcabədi rayonunun Minaxorlu kəndində anadan olub. 1978-ci ildə Asəf Zeynallı adına Bakı Musiqi Texnikumunun xanəndəlik şöbəsini, 1990-cı ildə isə Mirzağa Əliyev adına Azərbaycan Dövlət İncəsənət İnstitutunun mədəni – maarif işi fakültəsini bitirib. Hələ musiqi texnikumunda təhsil alarkən səhnə fəaliyyətinə başlayan Səfa Qəhrəmanov milli muğamlarımızı, xalq və bəstəkar mahnılarını məharətlə ifa edib. Muğam ustası kimi tanınan Səfa Qəhrəmanov 1992-ci ildən həm də Azərbaycan Dövlət Akademik Opera və Balet Teatrının muğam bölməsinin solisti idi. Teatrdakı on altı illik fəaliyyəti ərzində bir sıra milli operalarda - Ü. Hacıbəyovun “Leyli və Məcnun” operasında Məcnun, İbn-Səlam, Məcnunun atası, M Maqomayevin “Şah İsmayıl” operasında Şah İsmayıl, Z.Hacıbəyovun “Aşıq Qərib” operasında Şeyx, V. Adıgözəlovun “Natəvan” operasında xanəndə, Niyazinin “Rast” baletində xanəndə kimi obrazlar yaradıb. Səfa Qəhrəmanov 2000-ci ildə əməkdar artist, 2006-cı ildə isə xalq artisti adına layiq görülüb. //APA

Yazıya səs verin

• (1 səs, təxmini: 1 ilə 5)
  
   Loading ...