(səma üçün bəhanə)

Aydın Talıbzadə

“Fəhm qıl, gör ki nədir çəngu dəfü bərbətü ud,
Nədir onlarda bu ahəngü bu ləhnü bu sürud,
Arif ol, rəmz bil, ey mahəsəli-qeybi-şühüd,
Ud hər ləhzə gəlib şurə deyər: ya məbud,
Tar hər ləhzə gəlib vəcdə deyər: ya səttar”.

Seyid Əzim Şirvani

Hər hansı bir mədəniyyətdə ki, “DİNLƏMƏK” “BAXMAQ”DAN əfzəldir, qutsaldır, mübarəkdir, orada SEYR estetikasının qapıları yavaşca qapalıdır. Sufilər bica söyləmirdilər ki, “əgər Allahı dərk etmək istəyirsənsə, gözlərini iynə ilə tik”; yəni, baxışlarını sənə mane olacaq fanidən, zahirin ötərgi gözəlliyindən ayır, batinə yönəlt və tam daxili sakitliyin, rahatlığın içində Onu dinlə, Onu eşit. Məhz bu, “ürəyi mənəvinin səltənətinə doğru” aparmağa qadir. Orta çağların islam dünyasında seyr estetikası heç vədə dəstəklənməyib. Şaşırıb da soruşacaqsınız ki, niyə? Cavablayıram. Davamı…

(kübarlıq fenomeni)

Qaloş qara, parıltılı bir cisimdir. Rezindən hazırlanar. Tarixi bir filan qədər. Yağışda, tufanda, qar və çovğunda camaat ondan istifadə edir ki, sürüşməsin, ayaqları su çəkməsin. Kəndistan əhli üçün misli yoxdur. Ancaq heç bir evdə onu içəri buraxmazlar. Çünki yaş olar, palçıq olar. Hara getsə aləmi ləkələr, bulaşdırar. Odur ki, qapıda cütlənib qalar, məlul-məlul sahibini gözlər. Davamı…

“Şikəstə ruh”un havacatı

Azərbaycan milli operasının əvvəlinci personajı, bir nömrəli qəhrəmanı, Allah sevgisinə ürcah eşq xəstəsi, zəif, nərmə-nazik, sufisayaq divanə filosof, isti səhranın ərəb şairi MƏCNUN tenordur. Niyə də olmasın? Gözəldir, ilgilidir, vəssəlam. Seyrçiyə ayrı nə lazım? Zəngulə və avazının Azərbaycan teatrında eşidildiyi gündən üzü bəri Məcnun nəsil-nəsil azəri türkünü qocalı-cavanlı, kişili-arvadlı, böyüklü-kiçikli hönkürdüb ağladıb, permanent şəkildə onların ruhuna dad verib, zövq verib. Artıq bugün-sabah yüz il olacaq ki, Məcnun səhnədən düşmür. Davamı…

Aydın Talıbzadə

Onu dəyirmana ölü salsan, diri çıxar.
Bu misal Habil Dadaşov haqqında deyilib. Qülləyə bomba qoyub dağıtdılar, uçurtdular, amma Habil daş-kəsəyin altında salamat qaldı. Mən bilirəm ki, o kimin qohumudur. Yadınıza gəlirmi “Qatarda” teletamaşası? Kişinin Azərbaycan televiziya mədəniyyətində gül kimi şəcərəsi var.
Salam-əleyküm ay can, sağ ol ki qardaşımsan!
Mən “Yoxlama” filminin diskursuna uyğun yazmağa çalışıram.

Davamı…