Qırğız şairəsi Liranın vaxtsız  ölümünə
Mən elə bilirəm uzaqlarda ölümlər olmur
Sən niyə öldün, Lira, niyə?
Uzaqlar həmişə tər-təmiz olur
Təyyarələr kimi
kədərsiz olur.

Sirrlərini soyundun
Ürəyin lüt də gözəldir
***
Ağac vaxtı altında oturanlar
kötük vaxtı üstündə otururlar

Portret
Axşamüstü
qonşu itini oyatdı
ayağına dolaşan daş,
bir parça zaman hürdü

Dolub boşalan bulud, acıb solan cicək, doğub ölən kəpənək, cıxıb batan günəş, ölən-dirilən ümid…
Xoşbəxtlik hər kəsin arzusudur, amma hec kəsin deyil, cünki yer üzündə insan coxdu, xoşbəxtlik az…

Kor
indi mən hər gün
dünənkindən daha hüznlü və kədərliyəm
hər gün gözlərimdə bir az da sönür günəş

QAĞAYI
Qumsalda
Bir neçə
Quş izləri

Qəribə gündür…
Elə bil
Sənin gözlərini səpələyiblər,
Küçələrə,
Adamların simasına

Minə nənəyə
ölüm sözünü olum yazırdı həmişə
əli əsdiyindən
nöqtəsini qoya bilmirdi.
yüz beş il yaşadı Minə nənə.

Atası evdə ölməyən uşaqlara…
pəncərələrdən süzülən zəif işığın istisi
içini dondurar.
Ürpənər insan yatan şəhər görəndə.
Yay boğanaq, qış sərt olar yetimlərə.

Sən və mən
mən sənə soxulmuram
qürurumdan
ürəyim getsə belə
istəsəm belə
düşmürəm ayaqlarına

Gedirəm…
göy altından, göy üstündən
yer altından yer üstündən
gedirəm.

Heç kim bayquş olmadı,
yuxarıya  qonmadı,
baxıb ləzzət almadı
bu xarabadan.

Azadlıq məhbusu
Quş qədər azadlığın olsa
sədaqətsizləşərsən
Mənə pəncərəmə sadiq dibçək gərək, bacım
mən də istəmişəm atam olsun
bütün uşaqlar kimi…

Hər şey var
Dünyadan bir yerdə
nə vaxt dünyaya gəlsəm orda qarşılanıram
dünyanın qonaq otağıdır
Bədən sərhədlərimi görmədiyimdəndir,
rahatam burda.

Bakıda hər kəs bu gecə evinə
bir ölüm qorxusuyla qayıdır
bir ölüm qorxusu
“AZİ”də öldürülmüş
tələbələrin

yaşımın üstünə yaş gəlib
baxdım ki
ay allah əllərim
hələ də körpə qalıb

Cənnət
Cənnətdə
pişiklər siçanları
canavarlar dovşanları
aslanlar ceyranları
insanlar heyvanları
yeməyəcək…

Bilirəm…
Üç dəfə
şumlanmış
tarla boyunca
yürü mənimlə..

Xatirə Sadıqova
Nədəndir heç bilmirəm
sağ cibimdən
unudulmuş uşaqlığım çıxır həmişə
yəni günəşə doyunca baxmağı
öyrənən balaca

Ağam Əli, səndən imdad istərəm,
Mənə böhtan atanlara cavab ver.
Duldul atın, zülfiqardan istərəm,
Mənə böhtan atanlara cavab ver.