Rəbiqə Nazimqızı: “Təəssüf edirəm ki, müsahibədə mənim təbəssümümü görməyəcəklər”

“Nəsimi” Milli Ədəbiyyat Müsabiqəsinin mükafatçısı Rəbiqə Nazimqızı ilə müsahibə.

- Rəbiqə, uzun illərdi jurnalistikada çalışsan da, məhz ədəbiyyatda təsdiqini tapacağını düşünürdünmü?
- Uşaqlıqda şair olmaq istəyirdim. Ədəbiyyata marağım həmişə olub. Amma məktəb illərim siyasi proseslərin gərgin vaxtına təsadüf etrdiyindən seçim qarşısında qaldım - tarixi, yoxsa ədəbiyyatı seçməli? Atam ixtisasca filoloqdu, seçimimə təsir etməməyə çalışırdı. Anam isə istəyirdi iqtisadçı olum. Nə isə, test sisteminin özəllikləri bəllidir, məlum oldu ki, “filfak”a düşmüşəm - tale mənim yerimə seçim elədi. Artıq 4-5-ci siniflərdən şeir yazmaga başlamışdım, sonrası da deyəsən, alındı… Davamı…

6 qalibin 5-i xanım oldu

2 fevral 2008-ci il tarixindən start götürən “Nəsimi” Milli Ədəbiyyat Müsabiqəsinin qaliblərinini bu gün təltifetmə mərasimi keçirilib.
Kultaz.com və Lit.az portallarının birgə təşkilatçılığı ilə keçirilən müsabiqədə adları bu günə qədər gizli saxlanılan 5 nəfər peşəkar münsif tərəfindən 10 ballıq sitem üzrə qiymətləndirilən 10 yazar finala adlayıb.
Bu gün BMM-də keçirilən təltifetmə mərasimində finalçılar arasından ən çox bal toplayan 6 qalibin, o cümlədən münsiflərin adları açıqlanıb. Davamı…

Beləliklə, 2 fevral 2008-ci il tarixdə başlamış “Nəsimi” Milli Ədəbiyyat Müsabiqəsində finalçıların adları məlum olub. Finala münsfilərdən ən yüksək bal almış yazarlar çıxa biliblər. Münsiflər yazarların yaradıcılğını 10 ballıq sistem üzrə qiymətləndirərək bir neçə nəfəri müsabiqənin ön sıralarına çıxarıb. Onlardan yalnız 6-sı müsabiqənin iki nominasiyası üzrə qalib hesab olunacaq. “Şeir”nominasiyasında ən yüksək bal 31, “Hekayə” nominasiyasında isə 30 olub (maksimal bal- 50). Müsabiqədə ən az balı “Şeir” nominasiyasının iştirakçılarından biri alıb. Davamı…

Beləliklə, mart ayının 14-də “Nəsimi” Milli Ədəbiyyat Müsabiqəsinə əsərlərin qəbulu sona çatdı. Bununla da müsabiqənin ilk mərhələsinin birinci turu arxada qaldı. Xatırladaq ki, fevral ayının 2-dən etibarən müsabiqəyə qoşulanların sayı 39 nəfər təşkil edir. Müraciət edənlərdən yalnız bir nəfər qaydalara riayət etmədiyi üçün müsabiqədən kənarda qalıb. Digər 38 müəllif isə ümumilikdə 120-yə yaxın əsərilə sözügedən ədəbi estafetdə iştirakını davam etdirəcək. Davamı…

… seçim turu isə martın 14-də yekunlaşır

KultAz: Fevralın 2-dən start götürən I “Nəsimi” Milli Ədəbiyyat Müsabiqəsi davam edir. Xəbər verildiyi kimi, müsabiqənin birinci mərhələsi gənc istedadların üzə çıxarılması və təbliği məqsədi daşıyır. Şeir və hekayə nominasiyaları üzrə keçirilən müsabiqəyə geridə qalan 25 gün ərzində14 müəllifin 40-dan artıq mətni daxil olub. İştirakçılar arasında həm Azərbaycanın mərkəzdən uzaq rayonlarından, həm də Güney Azərbaycandan müəlliflərin olması artıq indidən qarşıya qoyulan əsas məqsədlərdən birinə nail olunduğunu göstərir. Davamı…

Gənc yazarlarımızın kompleksləri haqqında

Azərbaycan ədəbiyyatının problemləri dedikdə, iki baxış tərzi göz önünə gəlir. Biriləri, heç bir problemin olmadığını deyirlər. Onların fikrinə görə, bu gün heç bir yazarın mövzu və senzura problemi yoxdur, yerdə qalan isə artıq istedadın işidir.
İkincilər isə, yetərincə problem sadalayırlar: naşirlik institutunun yoxluğu, kitab satışı şəbəkələrinin sıradan çıxması, tərcümə prosesinin dünya ədəbi prosesi ilə ayaqlaşmaması, dövlətin yaradıcı qurumlara və yaradıcı şəxslərə münasibətdə ayrı-seçkilik mühiti yaratması və s. Davamı…

Cavid Cəfərzadə: “Yeni təsis etdiyimiz “Nəsimi” mükafatı ölkəmizdə analoqu olmayan ədəbi triumfdur”

Müsahibimiz Lit.az ədəbiyyat portalının rəhbəri Cavid Cəfərzadədir

- Lit.az yarandığı qısa zaman ərzində oxucular arasında ciddi nüfuz qazandı. Ümumiyyətlə, sayt barədə ideya necə yaranıb?
- Biz Lit.az-ı yaradarkən milli İnternet seqmentində ədəbiyyatla bağlı resurslar yox dərəcəsində idi. Və bu boşluqdan infokommunikasiya sahəsinin mütəxəssisləri, eyni zamanda ədəbiyyatsevərlər kimi istifadə etdik. Daha dəqiq ifadə etsəm, qlobal şəbəkədə müvafiq sahə ilə bağlı saytları araşdırdıq və nəticədə məlum oldu ki, nə qədər təqdirediləsi olsa da Azərbaycanın İnternetdəki ədəbiyyat saytları özfəaliyyətin nəticəsi olaraq qalıb: təşəbbüs var, davamiyyət və məsələyə ciddi yanaşma yoxdur. Davamı…

“Nəsimi” Milli Ədəbiyyat müsabiqəsi yeni istedadların, uğurlu bədii mətnlərin üzə çıxarılması, təbliği və dəyərləndirilməsi, eləcə də cari ildə çap olunmuş dəyərli əsərlərin qiymətləndirilməsi məqsədilə yaradılıb. Bu ədəbi müsabiqənin təsisçiləri “Kultaz.com” və “Lit.az” portallarıdır.
Müsabiqə il boyu iki mərhələdə davam edir.

Davamı…